Ambasada e Izraelit në Tiranë ka njoftuar se do të qëndrojë e mbyllur nga dita e sotme e deri në një afat të pacaktuar, si pasojë e situatës së krijuar nga protestat në kryeqytet.

Në një njoftim zyrtar të publikuar në faqen e saj, përfaqësia diplomatike bën me dije se ky vendim merret si masë sigurie. Po ashtu, ambasada ka vënë në dispozicion një numër telefoni celular emergjence për të gjithë qytetarët që mund të kenë raste të ngutshme gjatë kësaj periudhe.

“Për shkak të zhvillimeve të fundit, Ambasada e Izraelit në Tiranë është aktualisht e mbyllur. Rihapja e Ambasadës do të varet nga mënyra se si do të zhvillohet situata. Për çështje urgjente konsullore, ju lutemi kontaktoni numrin celular të emergjencës të Ambasadës. Ju falënderojmë për mirëkuptimin dhe do të ofrojmë përditësime të mëtejshme sipas nevojës”, thuhet në njoftim.