Triumfi i Lorik Useinit në turneun internacional të kik boksit që u mbajt në Beograd, ka qenë befasi edhe për ekipin ku ai trajnon.

Siç bëri të ditur trajneri i Lorikut, pjesëmarrja në garën në Beograd është e para e këtij lloji ku ai merr pjesë, megjithatë, ai sërish triumfoi.

Triumfi i tij ka ardhur pas tre luftërave, që i ka realizuar ndaj dy kik-boksierëve serb dhe një boshnjak.

Useini është pjesëtar i klubit “Tetova”, ndërkaq në këtë turnir ka përfaqësuar Maqedoninë e Veriut.