Ministria e Shëndetësisë informon se Komisioni për Sëmundje Infektive, në mbledhjen e sotme e ka shqyrtuar gjendjen epidemiologjike në vend.

Nga MSH thonë se Komisioni ka konstatuar se ka rritje të lehtë të rasteve pozitive dhe testimeve për COVID-19 në Shkup dhe Tetovë.

“Sipas analizave në Tetovë, përhapja e virusit është për shkak të mosrespektimit të protokolleve dhe rekomandimeve gjatë organizimit të ahengjeve familjare dhe festave të tjera në ambiente të mbyllura”.

“Edhe përkundër rasteve aktive dhe rasteve pozitive nga të testuarit, gjendja është stabile, ndërsa në spitale nuk ka presion nga pacientët e hospitalizuar. Komisioni për Sëmundje Infektive për momentin mbetet në masat aktuale, të cilat mund të ashpërsohen nëse është nevoja”, thuhet në njoftim.

MSH i fton qytetarët që të respektojnë rekomandimet dhe të parandalojnë përhapjen e virusit COVID-19./Telegrafi/