Bazuar në hulumtimet e transmetuesit publik RTS, numri i shtrimeve në spital Covid të personave plotësisht të vaksinuar në Zvicër është afërsisht 12 herë më i ulët se ai i të pavaksinuarve.

Për periudhën e analizuar RTS – nga 1 korriku deri më 15 gusht, kishte 8.3 shtrime në spital për milion në mesin e atyre që kishin të dy vaksinat. Në të kundërt, ky numër është 105.9 për milion për pacientët e pavaksinuar, transmeton albinfo.ch.

Këta numra konfirmohen nga Zyra Federale e Shëndetit Publik (FOPH), e cila zbuloi se pranimet në spital të njerëzve të vaksinuar mbeten relativisht të rrallë.