“Lidhjet janë si xhami. Ndonjëherë është më mirë ta lësh të thyer, se sa të lëndosh veten duke u munduar ta rregullosh”. Kështu shkruante para disa ditësh ish-konkurrenti i “Për’puthen”, Andi Shehu, teksa linte të nënkuptonte se ishte ndarë nga Melisa Lleshi.

Madje që të dy fshinë edhe të gjitha fotot që kishin bashkë në rrjetet sociale. E kjo nuk ishte hera e parë që ata përfliteshin për një ndarje, pasi edhe më parë hidhnin thumba në “Instagram” për njëri-tjetrin, e më pas shfaqeshin më të dashuruar se kurrë.

Pasi fshinë çdo foto me njëri-tjetrin, Andi dhe Melisa shfaqen

E kështu ka ndodhur edhe kësaj radhe. Mbrëmjen e djeshme, Melisa ka publikuar një video në “Instastory” ku shfaqet edhe Andi e me shaka ajo shkruan: “Mos më dil para”.

Nga ana tjetër, Shehi ka postuar një tjetër video ku shfaqet me ish-konkurrenten e “Për’puthen” dhe e puth në buzë. Teksa Melisa i thotë “më lë të qetë”, Andi me humor i përgjigjet: “Fytyrë plastelina ime”.

Me këto imazhe, Andi dhe Melisa zbuluan se kanë sqaruar problemet mes tyre dhe janë rikthyer sërish bashkë.