Danella Arsovska e ka rrugën e hapur që të kandidojë e pavarur për kryetare të Qytetit të Shkupit, pasi mblodhi nënshkrimet e nevojshme.

Këtë e bëri të ditur vetë ajo në “Facebook” dhe kërkoi mbështetjen e qytetarëve.

“Ditën e sotme e përfundojmë me mbledhjen e nënshkrimeve për kandidaturën time. Ju premtoj se bashkë do ta bëjmë qytetin metropol, me të cilin do të krenohemi. Për Shkupin nga ne, për Shkupin tonë. Koha është për zgjidhje të shpejta dhe efikase për qytetin tonë, sepse të gjithë duam të jetojmë në qytet të bukur”, shkroi Arsovska, transmeton TV21.