Moti i qëndrueshëm dhe i thatë i paralajmëruar për këtë javë, me vranësira të herëpashershme dhe temperatura që nuk do të kalojnë 30 gradë, do të jetë i përshtatshëm për bujqit vetëm për korrje, atë që ka mbetur dhe që është në ambient të hapur, thonë agrometeorologët.

Situata e thatësirës ndihet kudo, shtojnë ata, pavarësisht ndryshimit të motit gjatë fundjavës, me shi të herëpashershëm. Të gjitha të mbjellat bujqësore mbeten të rrezikuara, të tilla si speciet shumëvjeçare, hardhitë dhe frutat, si dhe të gjitha kulturat e tjera vjetore, kopshtarisë ose kulturës industriale, të cilat nuk kanë kushte ujitjeje.

“Kushtet e pafavorshme të motit në bujqësi ishin javën e kaluar, por me disa gradë temperatura më të ulëta të ajrit, veçanërisht gjatë natës, gjë që nuk e ndryshoi situatën me thatësirën. Ndryshimi i motit gjatë fundjavës me reshje shiu të herëpashershëm, nuk presim ta zgjidhim situatën, për faktin se ka mungesë të reshjeve më të mëdha se sa pritej”, thonë agrometeorologët nga DPHM-ja.

Sipas tyre, vegjetacioni është drejt përfundimit, kështu që rekomandimi për ujitje humbet rëndësinë e tij dhe nuk ka ndikim të rëndësishëm në prodhimin bujqësor në këtë periudhë, me përjashtim të hardhisë, e cila këtë vit është një nga kulturat më të rrezikuara dhe ku ujitja ende mund të ketë ndikim pozitiv.