A e dini kush “SUN RI ME NEVE”, qe 4 vjet u bënë e assesi “SUN RIN ME NEVE”, e ka çuar Ramiz Merko në pension politik përjetësisht, ja ka fikur dritat. Ramiz, vërtet shumë po më vjen keq që ai që ja fike dritat e që nuk e lë me nejt me neve, nuk e gjeti guximin mu përball edhe njëherë me ty. Me këto fjalë e nisi fjalimin e tij zëvendëskryeministri i parë Artan Grubi gjatë tubimit të BDI-së në Strugë ku u prezantua kandidati për kryetar komune, z. Ramiz Merko dhe lista e këshilltarëve.

“Nuk e di a e patë një takim buzë liqenit para dy ditëve? Nuk i shpëton vëllezër, as VMRO-ja, as Aleanca, as Alternativa, asnjë koalicion përball juve, përballë shqiptarëve të rreshtuar prapa Ramiz Merkos dhe Ali Ahmetit. Ramiz Merkos me udhëzim të Ali Ahmetit e patë që i qëndron në dispozicion i gjithë parlamenti me Talat Xhaferin, e gjithë Qeveria me Fatmir Besimin, Bujar Osmanin, Jeton Shaqirin, Kreshnik Bekteshin, Naser Nuredinin, 5 zëvendësministra, 5 sekretarë shtetëror, me dhjetëra drejtor e zëvendësdrejtor, të gjithë jemi ushtarë të Ramiz Merkos,” ka deklaruar Grubi.