BDI brenda javës do të thirr organet e larta të partisë për të shqyrtuar pozicionet për zgjedhjet lokale të tetorit. I pyetur nëse në kuadër të një marrëveshjeje të mundshme, i kanë ofruar Taravarit Sarajin dhe Likovën, kreu i BDI-së tha se akoma nuk kanë zhvilluar bisedime finale lidhur me këtë çështje. Ahmeti poashtu tha se nuk është diskutuar akoma nëse partia e tij do të garojë si BDI apo si Front në zgjedhje.

“Akoma nuk ka biseda finale, BDI akoma nuk i ka thirr organet drejtuese të partisë, mendoj që brenda javës do të thirren organet më të larta të partisë, do të shqyrtohen të gjitha situata…Sigurisht që ne e vlerësojmë hapin e guximshëm të z Taravari që e ka kuptuar shumë më herët që kjo Qeveri nuk është asgjë më shumë se sa një Qeveri antishqiptare, sepse ka ardhur në pushtet me platformë antishqiptare”, deklaroi Ali Ahmeti, Kryetar i BDI-së.