Kryetari i Komunës së Tetovës, Bilall Kasami, në kuadër të takimeve elektorale, zhvilloi një takim me anëtarët e Shoqatës së Pensionistëve të qytetit. Në këtë takim u diskutua për rezultatet e arritura gjatë mandatit të parë dhe për planet që lëvizja VLEN synon të realizojë në mandatin e ardhshëm.

Kasami theksoi se kujdesi për të moshuarit mbetet një ndër prioritetet kryesore të politikës sociale të VLEN-it. Ai rikujtoi se gjatë 15 muajve të fundit pensionet janë rritur me 7.000 denarë, një arritje që, sipas tij, nuk ka ndodhur më parë në vend.

Gjithashtu, Komuna e Tetovës ka mbështetur projekte të ndryshme që synojnë përmirësimin e cilësisë së jetës për pensionistët dhe krijimin e hapësirave për përfshirjen e tyre aktive në jetën shoqërore.

“Besojmë në bashkëjetesë, respekt dhe dinjitet për të gjithë qytetarët,” u theksua në fjalën e Kasamit.