Kombëtarja shqiptare ka zhvilluar sot seancën e parë stërvitore për këtë grumbullim. Dy ndeshjet e radhës janë ajo me Serbinë, e vlefshme për kualifikimet e Botërorit 2026, dhe miqësorja me Jordaninë, që do të luhet më 14 tetor.
Në stërvitjen e sotme, disa lojtarë u përgatitën veçmas për shkak të fazës së rikuperimit, si pasojë e ngarkesës që kanë pasur në klubet e tyre.
Në këtë seancë të parë munguan Hasani, Balliu, Strakosha, Hoxha dhe Pajaziti, të cilët ende nuk janë bashkuar me grumbullimin. Nga ana tjetër, Broja iu bashkua skuadrës në fund të seancës stërvitore. Mbetet për t’u parë nëse disa prej lojtarëve me dëmtime do të jenë gati për ndeshjet e ardhshme.
Megjithatë, atmosfera në radhët e Kombëtares shqiptare duket tejet optimiste. 
 -Mirela Haxhiaj/ Almakpress