Policia e Kosovës ka arrestuar një shtetas turk, i cili ishte në kërkim nga autoritetet e Maqedonisë së Veriut, nën dyshimin për vrasjen e një shtetasi turk në natën e Vitit të Ri në Çarshinë e Shkupit. Sipas njoftimit zyrtar, arrestimi është realizuar nga Drejtoria për Bashkëpunim Ndërkombëtar Policor, përkatësisht njësiti FAST, në koordinim me Policinë Kufitare. I dyshuari është identifikuar dhe ndaluar më 2 janar 2026, rreth orës 00:30. Me urdhër të prokurorit kompetent, personi i arrestuar është dërguar në ndalim policor për 48 orë, ndërsa pritet vazhdimi i procedurave të mëtejme ligjore në bashkëpunim me autoritetet e Maqedonisë së Veriut.

Burimi: TV21