SPB Shkup ka ngritur kallëzim penal kundër katër personave lidhur me aksidentin rrugor fatal që ndodhi dje rreth orës 11:30 në rrugën “Fronti Popullor” në Shkup. Një automjet Volkswagen Passat, i drejtuar nga S.S. (18), përplasi një grua 79-vjeçare e cila humbi jetën nga plagët e marra, ndërsa shoferi u largua nga vendi i ngjarjes. Policia identifikoi automjetin përmes kamerave të “Qytetit të Sigurt” dhe arrestoi dy persona për ndihmë në arratisje. Shoferi 18-vjeçar dhe babai i tij janë në arrati, ndaj tyre është shpallur urdhër-arrest, ndërsa dy automjetet e përdorura janë sekuestruar.