Kryetari i Lëvizjes Besa dhe njëherësh një nga figurat kyçe të VLEN-it, Bilall Kasami, ka përjashtuar kategorikisht çdo mundësi bashkëpunimi me BDI-në e udhëhequr nga Ali Ahmeti. Në një intervistë për Alsat, Kasami theksoi se qëndrimi i tij mbetet i pandryshuar, pavarësisht zhvillimeve politike apo skenarëve të mundshëm brenda opozitës shqiptare.
Ai sqaroi se edhe në rast se bashkimi i VLEN-it do të dështonte, nuk do të ketë asnjë afrim me BDI-në, duke nënvizuar se bashkëpunimi me këtë parti është i pamundur përderisa Ali Ahmeti vazhdon të jetë kryetar.