Elisa Spiropali ka publikuar në faqen e saj zyrtare në Facebook pamje nga vizita në Kiev, në një kohë kur qyteti vazhdon të përballet me sulme masive ndaj popullsisë civile dhe infrastrukturës kritike. Në kushtet e një dimri ekstrem dhe mungesës së energjisë, ngrohjes dhe ujit, Spiropali theksoi se Shqipëria qëndron e palëkundur pranë Ukrainës. Gjatë takimit me Andrii Sybiha, ajo rikonfirmoi mbështetjen e Shqipërisë për një paqe të drejtë, të qëndrueshme dhe për të ardhmen e përbashkët europiane.