Punëtorët e AD Transport ende nuk kanë marrë pagën e muajit dhjetor, bëjnë të ditur burime të brendshme, duke ngritur shqetësime serioze për menaxhimin e institucionit. Sipas informatave, përgjegjësia për situatën i atribuohet drejtorit të ndërmarrjes.

Po sipas këtyre burimeve, rrezik ekziston që edhe punëtorët e Drejtorisë së Infrastrukturës Hekurudhore të mbesin pa pjesën e dytë të pagës dhe pagën e muajit të ardhshëm.

Ndërkohë, në publik po promovohen renovime dhe blerje lokomotivash, por burimet theksojnë se bëhet fjalë kryesisht për ndërhyrje minimale, të paraqitura si investime madhore.

Mospërputhja mes realitetit të punëtorëve pa paga dhe diskursit për investime ka nxitur reagime dhe kërkesa për transparencë dhe pagesë të menjëhershme të pagave.