Anëtari i Bordit Ekzekutiv të Lidhja Socialdemokrate e Maqedonisë, Agron Demiri, ka organizuar një iftar në Zhelinë me rastin e muajit të shenjtë të Ramazanit, duke mbledhur bashkë përfaqësues partiakë, deputetë, miq dhe bashkëpunëtorë.

Në këtë mbrëmje ishte i pranishëm edhe kryetari i LSDM-së, Venko Filipçe, së bashku me funksionarë të tjerë të partisë, ku sipas Demirit u nda një atmosferë e ngrohtë në frymën e respektit, solidaritetit dhe bashkimit.

Në mesazhin e tij publik, Demiri theksoi se Ramazani është një periudhë reflektimi që rikujton vlerat e përkushtimit, humanizmit dhe afërsisë mes njerëzve, duke shprehur dëshirën që kjo frymë mirëkuptimi dhe bashkëpunimi të shoqërojë jetën publike dhe politike edhe përtej muajit të shenjtë.

Aktivitete të tilla shihen si pjesë e angazhimit për forcimin e lidhjeve me qytetarët dhe për promovimin e dialogut dhe bashkëpunimit në nivel lokal dhe kombëtar.