Sekretari i Përgjithshëm i NATO-s, Mark Rutte, ka paralajmëruar se Irani mund të shndërrohet së shpejti në një kërcënim serioz për sigurinë e Evropës, duke theksuar nevojën për vigjilencë dhe veprim të koordinuar ndërkombëtar.

Në deklaratat e tij, Rutte u shpreh se është thelbësore që Irani të mos krijojë kapacitete që mund të rrezikojnë stabilitetin rajonal dhe sigurinë e vendeve evropiane. Ai theksoi gjithashtu rëndësinë e përpjekjeve për të parandaluar zhvillimin e mëtejshëm të programeve bërthamore dhe raketore të Teheranit.

“Irani është afër të shndërrohet në një kërcënim për Evropën”, deklaroi Rutte, duke nënvizuar se komuniteti ndërkombëtar duhet të sigurojë që ky skenar të mos realizohet.

Shefi i NATO-s shprehu edhe mbështetjen për veprimet e presidentit amerikan Donald Trump, të cilat synojnë dobësimin e aftësive bërthamore dhe raketore të Iranit.