Recituesi Egzon Ibrahimi ka marrë pjesë në një iftar të organizuar në Pallatin Presidencial në Turqi, me ftesë të Presidentit turk Rexhep Taip Erdogan. Gjatë kësaj mbrëmjeje të veçantë të shtruar në kuadër të muajit të shenjtë të Ramazanit, Ibrahimi ka recituar Kuranin para të pranishmëve.

Iftari i organizuar nga Presidenti Erdogan në Pallatin Presidencial mblodhi personalitete dhe të ftuar të ndryshëm, ndërsa atmosfera u shoqërua me momente të veçanta shpirtërore që lidhen me rëndësinë e këtij muaji për besimtarët myslimanë.

Pjesëmarrja e Egzon Ibrahimit në këtë aktivitet konsiderohet një moment i rëndësishëm dhe një vlerësim për angazhimin e tij në recitimin e Kuranit.