Një anije e Frontex u përmbys dhe u fundos ditën e sotme në brigjet e Kastellorizo, duke plagosur katër persona në bord. Në anije ndodheshin gjithsej pesë persona, katër estonezë, përfshirë edhe ambasadorin estonez dhe një oficer të Rojës Bregdetare. Të plagosurit u transportuan në Rodos dhe pritet të dërgohen në spitalin e ishullit.

Kryebashkiaku i Kastellorizos, Nikolaos Asvestis, deklaroi se shkaku i përmbysjes së anijes mbetet ende i paqartë. Ai shtoi se “Roja Bregdetare nxitoi menjëherë në vendngjarje dhe pasi u ndihmuan të plagosurit, pasoi një shpërthim dhe anija u fundos”.

Ngjarja ka alarmuar autoritetet greke dhe po vijon hetimi për rrethanat që çuan në këtë incident.

Burimi: Top Channel