Policia e Shtetit ka nisur shoqërimet e para të protestuesve gjatë tubimit të opozitës në Tiranë, pas përshkallëzimit të situatës dhe përplasjeve me forcat e rendit.

Gjatë protestës, Flamur Noka tentoi të çajë kordonin policor, duke u mbështetur edhe nga protestues të tjerë, të cilët arritën të depërtojnë përtej rrethimit, çka solli rritje të tensioneve në zonë.

Në reagim, policia ndërhyri me gaz lotsjellës dhe ujë me presion për shpërndarjen e turmës dhe rikthimin e kontrollit të situatës.

Ndërkohë, kryetari i Partisë Demokratike, Sali Berisha, është larguar nga protesta, pasi gjendja e tij shëndetësore u përkeqësua si pasojë e ekspozimit ndaj gazit lotsjellës.