Zëvendëspresidenti i SHBA-së, J.D. Vance, së bashku me të dërguarit e presidentit Donald Trump, Steve Witkoff dhe Jared Kushner, pritet të zhvillojnë këtë javë një takim me zyrtarë iranianë në Islamabad.

Sipas raportimeve mediatike, ky samit vjen pas një takimi mes Trump dhe Asim Munir, duke sinjalizuar koordinim të ngushtë për çështje të sigurisë dhe diplomacisë në rajon.

Takimi zhvillohet në një kohë tensioni të lartë, rreth një muaj pas nisjes së konfliktit mes SHBA-së dhe Izraelit kundër Iranit. Më herët, Trump kishte shpallur një pauzë pesë-ditore në sulmet ndaj infrastrukturës energjetike iraniane, duke i cilësuar diskutimet si “pozitive dhe produktive”.

Megjithatë, autoritetet në Teheran kanë refuzuar mundësinë e negociatave në këtë fazë, duke theksuar se dialogu nuk do të ndodhë pa u arritur më parë objektivat ushtarake.