Në një intervistë për ALMAKPRESS dhe ALMAK TV, ish-ambasadori i Shqipërisë në Maqedoninë e Veriut, Arben Çejku, u shpreh se, “Në kokat e shumë shqiptarëve ose në mazhorancën e tyre ende nuk është hequr koncepti ose qëllimi final për një bashkim ndërshqiptar dhe sa më shumë që e fshehim, aq më shumë do dali në sipërfaqe.” Ai shtoi se shqiptarët kanë bërë kompromis me historinë, duke pranuar Kosovën si shtet fqinje, por nuk duhet harruar se të gjithë luftëtarët që sollën lirinë e Kosovës janë mbuluar me flamurin kombëtar shqiptar.