Raporti vjetor i NATO e identifikon Rusia si kërcënimin më të madh dhe më të drejtpërdrejtë për sigurinë në rajonin euroatlantik, duke theksuar rritjen e aktiviteteve destabilizuese dhe sfiduese ndaj aleancës.

Sekretari i Përgjithshëm i NATO-s, Mark Rutte, gjatë prezantimit të raportit më 26 mars, deklaroi se “Rusia mbetet kërcënimi më i madh dhe më i frikshëm për sigurinë në rajonin euroatlantik”, duke shtuar se gjatë vitit të kaluar Moska ka testuar sigurinë përmes shkeljeve të hapësirës ajrore, ndërhyrjeve dhe aktiviteteve kibernetike.

Në dokument theksohet se në rast përshkallëzimi, infrastruktura energjetike mund të jetë një nga objektivat kryesore, ndërsa përvoja nga lufta në Ukraina ka nxjerrë në pah rëndësinë e mbrojtjes së saj. NATO ka intensifikuar stërvitjet dhe koordinimin për të garantuar sigurinë e furnizimit energjetik.

Raporti nënvizon gjithashtu rëndësinë strategjike të Ballkanit Perëndimor, duke veçuar rolin e misionit paqeruajtës në Kosova për stabilitetin rajonal dhe duke mbështetur dialogun mes Prishtinës dhe Beogradit si kyç për paqe të qëndrueshme.

Ndërkohë, vendet anëtare të aleancës kanë rritur ndjeshëm shpenzimet për mbrojtje gjatë vitit 2025, duke reflektuar një ndryshim në qasjen ndaj sigurisë kolektive.

Burimi: REL