Këngëtari Gjesti ka njoftuar se do të dorëzojë kallëzim penal ndaj kompanisë Onima, duke e akuzuar për shkelje të të drejtave të autorit.

Sipas tij, kompania ka nënshkruar kontrata për veprat e tij pa dijeninë dhe pa autorizimin e tij. Veprimi është ndërmarrë në konsultim me avokatët Artan Çerkini dhe Burzim Azemi.

Në njoftimin e bërë publik, artisti deklaron, “sot në orën 14:00 në prokurori do të dorëzojmë një kallëzim penal ndaj kompanisë Onima dhe bashkëpunëtorëve të saj, të cilët pa dijeninë dhe pa autorizimin tim kanë nënshkruar kontratë për të drejtat e autorit të veprave të mia”.

Ai shton se së bashku me përfaqësuesin ligjor do të jenë të hapur për mediat për çdo sqarim rreth çështjes.