Ambasadorja e Republikës së Shqipërisë në Kanada, znj. Artemis Malo, mori pjesë në mbrëmjen Gala të organizuar nga NATO Association of Canada, në kuadër të 77-vjetorit të themelimit të Aleancës. Ky aktivitet u konsiderua një moment i rëndësishëm për të theksuar rolin e bashkëpunimit ndërkombëtar në forcimin e sigurisë dhe stabilitetit global, si dhe për të nderuar kontributet e individëve të shquar. Pjesëmarrja e Ambasadores Malo riafirmon angazhimin e Shqipërisë në kuadër të Aleancës dhe përkushtimin për të kontribuar në paqen dhe sigurinë kolektive.