Kryetari i Aleancës për Shqiptarët, Arben Taravari, ka reaguar në Ditën Botërore të Ndërgjegjësimit për Autizmin duke nënvizuar rëndësinë e mirëkuptimit ndaj personave që jetojnë me autizëm. Ai tha, "Mendova se nuk mund ta kuptoja plotësisht, por tani e di që momentet e heshtjes dhe gjestet e tij të vogla janë mënyra e tij për të më thënë se më do". Taravari shton se pikërisht në ato momente të vogla qëndron e vërteta e madhe për autizmin, pasi çdo person, pavarësisht nga dallimet, ka mënyrën e vet unike të lidhjes me botën. Ai thekson se çdo hap drejt mirëkuptimit, sado i vogël qoftë, është i rëndësishëm për të gjithë shoqërinë.