Ish-presidenti i Maqedonia e Veriut, Stevo Pendarovski, ka lëshuar një paralajmërim të fortë ndaj LSDM, duke theksuar se partia përballet me një moment kritik që kërkon ndryshime të thella.

Sipas tij, pavarësisht dobësimit të mbështetjes për VMRO-DPMNE, LSDM nuk ka arritur të fitojë votues të rinj, duke humbur një mundësi të rëndësishme politike.

“Kur nuk e bëtë këtë, receta është e qartë, ose ndryshoni strategjinë politike dhe qasjen ndaj qytetarëve, ose sillni njerëz të rinj që dinë të arrijnë shtresat e ndryshme të elektoratit”, u shpreh Pendarovski.

Ai theksoi se problemet e partisë nuk lidhen vetëm me komunikimin, por edhe me strategjinë dhe mënyrën e funksionimit të brendshëm, duke paralajmëruar pasoja serioze në zgjedhjet e ardhshme.

“Ekziston një rrezik real që partia të zhduket ose të futet në margjinën statistikore të gabimit”, përfundoi ai.