Presidenti i Volodymyr Zelensky ka mbërritur në Turqi, ku ka deklaruar se bashkëpunimi ndërkombëtar mbetet kyç për mbrojtjen e qytetarëve dhe garantimin e stabilitetit në rajon. Ai theksoi se forcimi i partneritetit synon rritjen e sigurisë si në Evropë, ashtu edhe në Lindjen e Mesme, duke shtuar se përpjekjet e përbashkëta japin gjithmonë rezultatet më të mira.

Vizita e tij vjen pas sulmeve të fundit nga Rusi në Ukrainë, ku sipas autoriteteve u regjistruan disa viktima dhe dhjetëra të plagosur. Forcat Ajrore ukrainase njoftuan se janë lëshuar 286 dronë, nga të cilët 260 janë neutralizuar.

Në qytetin Nikopol, në rajonin e Dnjipropetrovskut, humbën jetën pesë persona dhe u plagosën 19 të tjerë, përfshirë edhe një vajzë 14-vjeçare. Ndërkohë, në Sumy, pranë kufirit me Rusinë, një tjetër sulm la të plagosur 11 persona, mes tyre edhe një 15-vjeçar, duke shkaktuar dëme në zona banimi dhe infrastrukturë.

Në kryeqytetin Kiev, një dron shkaktoi zjarr në një ndërtesë trekatëshe që përdorej si zyrë dhe depo, por pa pasoja në njerëz.