Drejtoresha e Spitalit Gjinekologjik të Çairit, Meral Uzeiri Ferati, ka zhvilluar një takim pune me Ministrin e Ekologjisë, Muhamed Hoxha, ku në fokus ishte përmirësimi i kushteve mjedisore në institucionet shëndetësore.

Gjatë takimit, palët diskutuan për rëndësinë e krijimit të një ambienti më të pastër dhe më të sigurt për pacientët dhe stafin mjekësor, si dhe për nevojën e forcimit të bashkëpunimit ndërinstitucional. “U diskutua për përmirësimin e kushteve mjedisore në institucionet shëndetësore, si dhe për bashkëpunimin ndërinstitucional”, thuhet në njoftim.

Po ashtu, u theksua gatishmëria për realizimin e projekteve të përbashkëta në të ardhmen, me qëllim avancimin e standardeve në sektorin shëndetësor.