Ylli i muzikës pop, Lady Gaga, ka anuluar koncertin e saj të fundit në Bell Centre në Montreal, Quebec, për shkak të një infeksioni respirator. Në një postim në Instagram Stories, Gaga deklaroi “Më vjen shumë keq të ndaj me ju se nuk mund të performoj sonte dhe duhet ta anuloj shfaqjen” duke shtuar se mjeku i saj e këshilloi të mos performojë për të mos rrezikuar shëndetin.

Ajo gjithashtu u shpreh se kishte qenë magjike të performonte më 2 dhe 3 prill dhe falenderoi fansat që e mbështetën. Turneu Mayhem Ball do të vazhdojë me tre koncerte të tjera në Saint Paul, Minnesota dhe në Madison Square Garden në New York City më 13 prill.