Presidenti i Francës, Emmanuel Macron, ka deklaruar se rreth 15 vende janë mobilizuar për të mundësuar rifillimin e trafikut në Ngushtica e Hormuzit, pas arritjes së armëpushimit mes Shtetet e Bashkuara të Amerikës dhe Iran.

Sipas tij, ky angazhim po zhvillohet nën udhëheqjen e Francës dhe në koordinim me Iranin, me qëllim garantimin e një misioni mbrojtës dhe rikthimin e lëvizjes së lirë në një nga rrugët më të rëndësishme të energjisë në botë.

“Rreth 15 vende janë aktualisht të mobilizuara dhe po marrin pjesë në planifikim, nën udhëheqjen e Francës, për të mundësuar zbatimin e këtij misioni rreptësisht mbrojtës në koordinim me Iranin për të lehtësuar rifillimin e trafikut”, ka deklaruar Macron.

Ai e cilësoi armëpushimin si një zhvillim pozitiv, duke theksuar se qëllimi kryesor ka qenë mbrojtja e qytetarëve dhe interesave, si dhe ulja e tensioneve në rajon. “Shpallja e këtij armëpushimi është një gjë shumë e mirë, që nga dita e parë kemi pasur të njëjtin objektiv, të mbrojmë shtetasit tanë dhe interesat tona dhe të punojmë drejt rivendosjes së paqes dhe lirisë së lundrimit”, u shpreh ai.

Sipas raportimeve, marrëveshja është arritur me ndërmjetësim të shpejtë, ku Pakistani ka luajtur rol kyç në ndërmjetësimin mes palëve.