Presidenti amerikan Donald Trump ka deklaruar se NATO dhe aleatët e saj janë angazhuar për të ndihmuar në “pastrimin” e Ngushticës së Hormuzit, pas njoftimeve për masa që lidhen me sigurinë në këtë rrugë strategjike detare.

Në një intervistë për Fox News, Trump u shpreh se Shtetet e Bashkuara janë “shumë të zhgënjyera me NATO-n”, por shtoi se tani aleanca po bashkëpunon për ndërhyrje teknike në zonë, duke thënë, “Nuk do të marrë shumë kohë për ta pastruar, kështu që do ta pastrojmë ngushticën”.

Ai gjithashtu bëri të ditur se SHBA do të dërgojë mjete për pastrimin e minave detare, ndërsa theksoi se edhe Britania e Madhe dhe disa vende të tjera anëtare të NATO-s do të marrin pjesë në operacion.

“Kuptoj se Britania dhe disa vende të tjera po dërgojnë mjete pastrimi të minave”, u shpreh Trump.