Ministri i Punëve të Brendshme, Pançe Toshkovski, po zhvillon një vizitë pune në Uashington në kuadër të dialogut strategjik mes Maqedonisë së Veriut dhe Shteteve të Bashkuara të Amerikës.

Gjatë vizitës, ai ka zhvilluar takime me përfaqësues të lartë të FBI, Byrosë për Siguri Diplomatike dhe institucione të tjera amerikane të sigurisë, ku është konfirmuar partneriteti strategjik mes dy vendeve.

Në fokus të bisedimeve kanë qenë lufta kundër krimit të organizuar, trafikut të drogës, trafikimit të njerëzve dhe terrorizmit, si dhe mbështetja për modernizimin e policisë përmes programeve ndërkombëtare të trajnimit.

Në deklaratën e tij, Toshkovski tha se “u konfirmua partneriteti strategjik ndërmjet SHBA-ve dhe Maqedonisë, veçanërisht në fushën e sigurisë… dhe biseduam për tema me interes të përbashkët si lufta kundër krimit të organizuar, drogës, terrorizmit dhe trafikimit të njerëzve”.

Vizita vlerësohet si pjesë e forcimit të bashkëpunimit në fushën e sigurisë dhe stabilitetit rajonal.