Një alarm për sigurinë është ngritur këtë të diel në Shkup, pasi në Ministrinë e Punëve të Brendshme ka mbërritur një mesazh kërcënues për vendosjen e mjeteve shpërthyese në dy qendra tregtare.

Në njoftim thuhet se në “East Gate” dhe “Diamond” janë vendosur mjete shpërthyese, çka ka detyruar autoritetet të reagojnë menjëherë.

Pas marrjes së informacionit, policia ka ndërhyrë duke nisur kontrolle të detajuara në të dy qendrat tregtare, me qëllim verifikimin e kërcënimit dhe garantimin e sigurisë për qytetarët.