Inteligjenca artificiale po zgjerohet gjithnjë e më shumë në fushën e kreativitetit dhe marketingut. OpenAI ka prezantuar një instrument profesional për gjenerimin e grafikave dhe imazheve në ChatGPT Images 2.0, i integruar në programin Codex.

Sipas kompanisë, sistemi është në gjendje të prodhojë deri në 8 variante koherente nga një komandë e vetme, duke mundësuar zhvillimin e storyboard-eve dhe fushatave të marketingut mbi një koncept të vetëm vizual. Po ashtu, teknologjia synon të rrisë efikasitetin në krijimin e imazheve dhe transformimin e tyre në përmbajtje video.

Sipas përshkrimit, Images 2.0 sjell një nivel të avancuar në konceptimin e imazheve të sofistikuara, duke e afruar inteligjencën artificiale edhe më shumë me industrinë kreative dhe atë të marketingut, një nga sektorët më të fuqishëm globalisht.