Ministria e Shëndetësisë ka reaguar duke theksuar se mbetet e përkushtuar ndaj zbatimit të ligjit dhe standardeve profesionale në sistemin shëndetësor. Në një njoftim për opinionin publik, institucioni nënvizon se çdo shkelje e dispozitave ligjore dhe normave mjekësore do të trajtohet përmes procedurave përkatëse, në bashkëpunim me organet kompetente.

Ministri i Shëndetësisë, Azir Aliu, ka deklaruar se siguria e pacientëve dhe cilësia e shërbimeve mbeten prioriteti kryesor, duke theksuar se shumica e profesionistëve shëndetësorë punojnë me ndershmëri dhe përkushtim, ndërsa ka bërë thirrje për respektim të vazhdueshëm të normave etike dhe profesionale.

Ai gjithashtu ka apeluar që qytetarët të drejtohen vetëm te ofrues të licencuar të shërbimeve shëndetësore, duke rikujtuar njëkohësisht edhe rëndësinë e parimit të prezumimit të pafajësisë.