Autoritetet e Maqedonisë së Veriut kanë ndaluar një autobus nga Shqipëria me studentë shqiptarë në pikën kufitare, duke shkaktuar reagim të menjëhershëm nga organizatorët e protestës së planifikuar për sot në Shkup. Njëri prej organizatorëve kryesorë, Mevlan Ademi, ka dalë me një kërkesë të prerë duke thënë, "Lëshoni menjëherë vëllezërit tanë shqiptarë të ndaluar në pikën kufitare! Kërkojmë veprim të menjëhershëm dhe lejim të hyrjes së tyre pa vonesë."

Ademi nuk u ndal me kaq, duke lëshuar edhe një paralajmërim të qartë ndaj autoriteteve, "Nëse nuk ka ndërhyrje të shpejtë dhe zgjidhje urgjente, ne do të jemi të detyruar të marshojmë drejt Ministrisë së Punëve të Brendshme!" Ky mesazh vjen vetëm orë para fillimit të protestës, e cila është planifikuar të nisë në orën 16:30 në Shkup, ku pritet të marrin pjesë studentë dhe qytetarë të shumtë nga Kosova dhe Shqipëria.