Trajneri i ri i Kombëtares shqiptare, Rolando Maran, ka publikuar listën e lojtarëve të përzgjedhur për dy ndeshjet miqësore që do të zhvillohen kundër Izraelit dhe Luksemburgut. Ajo çfarë bie menjëherë në sy është mungesa e portierit Strakosha dhe mesfushorit Ernest Muçi, dy emra që kanë qenë të pranishëm rregullisht në konvokatat e mëparshme. Ndër rikthimet më të spikatura në listë janë ato të Taulant Seferit, Andi Hadroj dhe Cristian Shpendit, lojtarë që i shtojnë thellësi skuadrës kombëtare. Dy emra krejtësisht të rinj për Kombëtaren A janë portieri Pano Qirko dhe mesfushori Luis Hasa, të cilët marrin thirrjen e parë nën drejtimin e tekniku italian. Lista e plotë përfshin portierët Alen Sherri, Simon Simoni dhe Pano Qirko, mbrojtësit Berat Gjimshiti, Arlind Ajeti, Ardian Ismajli, Klisman Cake, Bujar Pllana, Mario Mitaj, Naser Aliji, Stavro Pilo, Elseid Hysaj dhe Andi Hadroj, mesfushorët Kristjan Asllani, Ylber Ramadani, Juljan Shehu, Qazim Laçi, Luis Hasa, Adrion Pajaziti, Nedim Bajrami, Arbër Hoxha, Taulant Seferi dhe Anis Mehmeti, si dhe sulmuesit Mirlind Daku, Armando Broja, Myrto Uzuni dhe Cristian Shpendi.