Nga sonte, korsitë e shënuara për M-Tag në të gjitha pikat e pagesës në vend do të përdoren ekskluzivisht për automjetet me etiketa elektronike. Ndërmarrja Publike për Rrugë Shtetërore njofton se mosrespektimi i këtij rregulli mund të shkaktojë pengesa në qarkullim dhe të ndikojë në sigurinë dhe efikasitetin e komunikacionit.

Institucioni u bën thirrje qytetarëve që të ndjekin me kujdes tabelat elektronike informative të vendosura para dhe në stacionet e pagesës, ku korsitë janë të ndara sipas mënyrës së pagesës, për MTag, MCard dhe CASH/MCard.

Me hyrjen në fuqi të këtij ndryshimi, pagesa me MCard nuk do të lejohet më në korsitë e dedikuara për MTag. Përdoruesit e kartës MCard do të duhet të përdorin korsitë e tjera të lira të stacioneve të pagesës, në përputhje me destinimin e tyre.