Një incident është regjistruar në ambientet e Gjykatës së Posaçme kundër Korrupsionit dhe Krimit të Organizuar, ku disa prej të pandehurve për rastin e rrëmbimit dhe vrasjes së Renis Dobrës janë përfshirë në një përplasje fizike gjatë zhvillimit të seancës paraprake. Sipas raportimit të A2 CNN, në konflikt janë përfshirë Petrit Çakra, si dhe Fation, Aleksandër dhe Kristi Bushgjokaj, të cilët përballen me akuza lidhur me ngjarjen e rëndë në Mat. Pas incidentit janë njoftuar efektivët e Policisë së Shtetit, por ndërhyrja e tyre nuk ka qenë e nevojshme, pasi situata është vënë nën kontroll brenda sallës së gjyqit.

Burimi: A2 CNN