Kryetari i Komunës së Vrapçishtit, Isen Shabani, ka bërë të ditur realizimin e një tjetër investimi në shërbim të qytetarëve, duke njoftuar për përfundimin e punimeve në rrugën “Brahim Aga” në fshatin Dobërdoll. Sipas Shabanit, kjo rrugë tashmë ka marrë një pamje të re, duke krijuar kushte më të mira për qarkullim dhe duke përmirësuar infrastrukturën për banorët e zonës. “Ta gëzoni rrugën e re dhe le t’ju shërbejë për shumë vite me mbarësi!”, është shprehur kryetari Isen Shabani në mesazhin e tij drejtuar banorëve.