Ushtruese e Detyrës së Presidentes së Kosovës, Albulena Haxhiu, mori pjesë sot në pritjen e organizuar nga Ambasada e Sllovenisë në Kosovë, me rastin e Ditës së Shtetësisë së Sllovenisë, e cila zyrtarisht shënohet më 25 qershor. Haxhiu theksoi se "Sllovenia është ndër shtetet e para që ka njohur pavarësinë e Kosovës", duke shtuar se "marrëdhëniet bilaterale ndërmjet dy vendeve kanë qenë të shkëlqyera, të karakterizuara nga miqësia dhe bashkëpunimi i ngushtë". Ajo vuri në dukje gjithashtu "mbështetjen e vazhdueshme të Sllovenisë në rrugëtimin e Kosovës drejt Këshillit të Evropës dhe Bashkimit Evropian".