Vedat Muriqi i jep lamtumirë Mallorcas dhe rikthehet në Turqi, te Fenerbahçe, skuadra që e nisi aventurën e tij evropiane. Klubi turk zyrtarizoi marrëveshjen me sulmuesin e përfaqësueses së Kosovës, duke bërë të ditur se "Muriqi do të vijë në Stamboll për të kryer vizitat mjekësore dhe për të plotësuar detajet e fundit të kontratës së tij, do të mbërrijë në terminalin Sabiha Gokcen dhe më pas do të bëhet prezantimi në publik."

Transferimi vjen pas një sezoni të jashtëzakonshëm individual për "Piratin", i cili mbylli kampionatin spanjoll me 23 gola, duke u bërë shënuesi më i mirë në historinë e Mallorcas me gjithsej 55 gola, duke i thyer rekordin legjendës kamerunase Samuel Eto'o.

Burimi: Top Channel