Kryeministri i Shqipërisë, Edi Rama, po zhvillon këtë të hënë një vizitë zyrtare në Francë, ku pritet të takohet me Presidentin francez, Emmanuel Macron, në Pallatin Élysée.

Takimi mes dy liderëve është paraparë të mbahet rreth orës 13:00. Edhe pse nuk janë bërë publike detaje zyrtare mbi agjendën, në qendër të bisedimeve pritet të jenë procesi i negociatave të Shqipërisë për anëtarësim në Bashkimin Evropian, si dhe zgjerimi i investimeve franceze në vend.