Kryetari i Prishtinës, Përparim Rama, ka pritur në Odën e Kryeqytetit artistët pjesëmarrës në koncertin “Kanga Jonë”, të cilët i ka nderuar me mirënjohje për kontributin e tyre në ruajtjen dhe promovimin e muzikës shqiptare. Rama u shpreh se, “në Odën e Kryeqytetit mirëprita artistët e koncertit ‘Kanga Jonë’ dhe i nderova me mirënjohje, si shenjë vlerësimi për përkushtimin, dashurinë dhe kontributin e tyre në ruajtjen dhe promovimin e muzikës shqiptare”. Ai bëri të ditur gjithashtu se, “sonte, në sheshin ‘Skënderbeu’, tradita e koncertit vazhdon”, duke ftuar qytetarët të bëhen pjesë e këtij aktiviteti kulturor.