Ish-ministrja e Punëve të Jashtme, Meliza Haradinaj, ka vlerësuar se marrëdhëniet ndërmjet Kosovës dhe Shteteve të Bashkuara të Amerikës po kalojnë një nga periudhat më sfiduese të viteve të fundit. Ajo tha se raporti mes dy vendeve është ndërtuar për më shumë se dy dekada mbi partneritetin dhe bashkëpunimin, duke theksuar se "më shumë se kurrë, Kosovës i duhet t’ia kthejë atë borxh moral e politik që SHBA-ja ka investuar gjatë këtij çerek shekulli". Haradinaj shtoi se debati publik me të drejtë kërkon nga qeveria dhe institucionet që "të sillen si partnere të SHBA-së" dhe të mos lejojnë, siç u shpreh ajo, "të sfidohet trajektorja normale e zhvillimit të marrëdhënieve bilaterale". Sipas saj, ruajtja e partneritetit strategjik me SHBA-në mbetet thelbësore për të ardhmen e Kosovës. Burimi: Klankosova.tv