Fermerët kosovarë të qumështit kanë protestuar këtë të hënë para Ministrisë së Bujqësisë, duke shprehur pakënaqësinë e tyre për situatën e krijuar në sektorin e qumështit. Si shenjë proteste, ata kanë derdhur qumështin para objektit të ministrisë, raporton Klankosova.tv. Protesta është organizuar pas ndërprerjes së grumbullimit të qumështit, e cila erdhi pas mbylljes së përkohshme të qumështores “Vita”. Fermerët janë mbledhur me traktorët e tyre para ministrisë, ndërsa gjatë protestës kanë rënë vazhdimisht borive, duke kërkuar zgjidhje për problemet me të cilat po përballen.