Në Ankara të Turqisë është zhvilluar darka shtetërore e organizuar nga presidenti turk Recep Tayyip Erdogan, në nder të liderëve që marrin pjesë në Samitin e NATO-s. Në këtë aktivitet është publikuar edhe fotografia familjare me krerët e shteteve dhe qeverive pjesëmarrëse në takimin e Aleancës. Kryeministri i Shqipërisë, Edi Rama, ishte pjesë e pritjes zyrtare, ku u mirëprit nga presidenti Erdogan dhe Zonja e Parë, Emine Erdogan. Në ceremoni morën pjesë edhe bashkëshortët e liderëve, në një nga momentet tradicionale dhe simbolike të samiteve të NATO-s. Samiti i NATO-s ka nisur të martën dhe do të vijojë edhe gjatë ditës së mërkurë, me diskutime mbi çështjet kryesore të sigurisë, mbrojtjes dhe bashkëpunimit mes vendeve anëtare të Aleancës.