Ende nuk ka konfirmim nëse liderët e opozitës do të takohen të hënën për të harmonizuar qëndrimet rreth ndryshimeve në Kodin Zgjedhor, megjithëse po bëhen përpjekje për një takim para afatit të 15 korrikut.

Kryeministri Hristijan Mickoski deklaroi se shumica do të pranojë çdo marrëveshje të opozitës, me kusht që diasporës t’i mundësohet votimi me postë. Ndërkohë, LSDM vazhdon ta kundërshtojë këtë model, duke vlerësuar se nuk ofron garanci të mjaftueshme për integritetin e procesit zgjedhor.